1. Ֆրանսերենը միջազգային շփման լեզու է – Ֆրանսերենը պաշտոնական լեզու է հանդիսանում միջազգային առաջատար շատ կազմակերպությունների համար, ինչպիսիք են՝ ՄԱԿ-ը, ՅՈՒՆԵՍԿՈ-ն, Եվրոպայի
Խորհուրդը, Միջազգային Օլիմպիկան Կոմիտեն և այլն: Ֆրանկոֆոնիայի միջազգային կազմակերպությունն իր մեջ է միավորում 56 անդամ-երկրների, որոնց 2012 թ. միացավ նաև Հայաստանը: Երկրագնդի 220 մլն. բնակչության համար ֆրանսերենը մայրենի կամ երկրորդ լեզու է հանդիսանում:
2. Ֆրանսերենը գործարար լեզու է – Ֆրանսերեն լեզվի իմացությունը մեծ կարևորություն է ստանում միջազգային գործարար շփումների ժամանակ, քանի որ միջազգային ապրանքաշրջանառության շուրջ 20%-ն իրականացնում է ֆրանսախոս երկրների կողմից:
3. Ֆրանսերենը միջազգային զբոսաշրջության լեզու է – ՄԱԿ-ի Միջազգային Զբոսաշրջության Կազմակերպության տվյալների համաձայն Ֆրանսիան համարվում է աշխարհի ամենաշատ այցելվող երկիրը: Եվ եթե հաշվի առնենք, որ Ֆրանսիայից բացի ֆրանսերենը պաշտոնական լեզու է համարվում նաև Բելգիայում, Լյուքսեմբուրգում, Շվեյցարիայում, Կանադայում, Ալժիրում, Մարոկկոյում, Թունիսում և այլուր, ապա անհնար է դառնում պատկերացնել ժամանակակից միջազգային զբոսաշրջությունը առանց Ֆրանսերենի:
4. Ֆրանսերենը սիրո և նորաձևության լեզու է – Այն երգեցիկ է, ականջ
շոյող, դիպուկ և հարուստ զանազան նրբություններով: Պատահական չէ, որ հենց Փարիզն է հանդիսանում համաշարհային նորաձևության և նոր շնչի մայրաքաղաքը:
5. Ֆրանսերենը մշակույթի լեզու է – Ֆրանսիան փառահեղ պատմության և հարուստ մշակութային երկիր է: Ֆրանսիական թատրոնը, կինոն,
կերպարվեստը, երաժշտությունը, գրականությունը բոլոր ժամանակներներում էլ առաջատար դիրքեր են զբաղեցրել համաշխարհային արվեստի դասակարգման ցանկում:
6. Ֆրանսերենը բարձրակարգ եվրոպական կրթության հնարավորություն ընձեռող լեզու է – Ֆրանսերենի իմացությունը բոլորին, անկախ
ազգային պատկանելությունից, հնարավորություն է ընձեռում բարձրակարգ կրթություն ստանալ եվրոպական և հատկապես ֆրանսիական առաջատար համալսարաններում: Արտասահմանցի ուսանողների թվով Ֆրանսիան երրորդ տեղն է զբաղեցնում աշխարհում:
7. Ֆրանսերենը օգնական լեզու է հանդիսանում այլ լեզուներ սովորելու համար - Ֆրանսերեն լեզվի իմացությունը առավել դյուրին է դարձնում ռոմանական խմբի մյուս լեզուների՝ իտալերենի, իսպաներենի, պորտուգալերենի, ռումիներենի յուրացումը: Թեև անգլերեն և ֆրանսերեն լեզուները պատկանում են լեզվական տարբեր խմբերի, այնուհանդերձ կան բազմաթիվ նման
բառեր: Պատճառն այն է, որ 12-13-րդ դդ.՝ նորմանդական նվաճումների շրջանում, անգլո-նորմանդական դիալեկտը պետական լեզու էր հանդիսանում Անգլիայում, որի ազդեցությամբ էլ անգլերեն լեզվի բառարանային ֆոնդը կրկնապատկվեց շուրջ երկու անգամ:
Մաղթում
եմ հաջողություն
Комментариев нет:
Отправить комментарий